குரு மீண்டும் கைது! அன்புமணி கண்டனம்!தமிழக அரசு மீது வழக்கு தொடரவும் முடிவு!

பாமக எம்எல்ஏ ஜெ.குரு தேசிய பாதுகாப்பு சட்டத்தின் கீழ் மீண்டும் புதன்கிழமை கைது செய்யப்பட்டார்.  இந்த நடவடிக்கைக்கு பாமக இளைஞரணித் தலைவரும், முன்னாள் மத்திய அமைச்சருமான அன்புமணி ராமதாஸ் கண்டனம் தெரிவித்துள்ளார்.

சென்னையில் செய்தியாளர்களிடம் பேசிய அவர், இது தொடர்பாக மத்திய உள்துறை அமைச்சகத்திடம் மனு அளிக்கப் போவதாகவும் தெரிவித்ள்ளார். தேசிய பாதுகாப்பு சட்டத்தை மத்திய அரசு நீக்கிய பின்னரும் தமிழக அரசு குருவை கைது செய்திருப்பது கண்டிக்கதக்கது என தெரிவித்த அவர், இது தொடர்பாக தமிழக அரசு மீது வழக்கு தொடரப் ‌போவதாகவும் தெரிவித்துள்ளார்.

கடந்த ஏப்ரல் மாதம் காஞ்சிபுரம் மாவட்டம் மாமல்லபுரத்தில் நடந்த வன்னியர் பெருவிழாவைத் தொடர்ந்து ஏற்பட்ட வன்முறை தொடர்பாக ஜெ.குரு, தேசிய பாதுகாப்பு சட்டத்தில் கைது செய்யப்பட்டார். இதனை ரத்து செய்ய மத்திய அரசு செவ்வாய்க்கிழமை உத்தரவிட்டது.

இந்தநிலையில் மீண்டும் அவரை தேசிய பாதுகாப்பு சட்டத்தின் கீழ் சிறையில் அடைக்க மாவட்ட ஆட்சியர் உத்தரவிட்டார். இந்த ஆணை காஞ்சிபுரம் மாவட்ட கண்காணிப்பாளர் மூலம புழல் சிறை அதிகாரிகளுக்கு வழங்கப்பட்டது.