அனைத்து சமுதாய கூட்டணியில் இதுவரை 9 அமைப்புகள் சேர்ந்துள்ளன: ஏ.கே.மூர்த்தி

பாமக தலைமையிலான அனைத்து சமுதாய கூட்டணியில் இந்திய மக்கள் கட்சி இணைந்துள்ளது. சென்னை மயிலாப்பூரில் யாதவ மகா சபை தலைவரும், இந்திய மக்கள் கட்சியின் தலைவருமான தேவநாதனை பாமக நாடாளுமன்ற வேட்பாளர்கள் அரங்க வேலு, ஏ.கே.மூர்த்தி ஆகியோர் சந்தித்தனர்.

இச்சந்திப்புக்கு பின்னர் செய்தியாளர்களிடம் பேசிய ஏ.கே.மூர்த்தி, அனைத்து சமுதாய கூட்டணி, திராவிட கட்சிகளின் மாற்று கூட்டணியாக அமையும். அனைத்து சமுதாய கூட்டணியில் இதுவரை 9 அமைப்புகள் சேர்ந்துள்ளன என்றார்.

இந்த கூட்டணி வெற்றிக் கூட்டணியாக அமையும் என்று தேவநாதன் தெரிவித்தார்.