வட மாவட்டங்களில் மழை நிவாரணப் பணிகளை விரைவு படுத்த வேண்டும் அன்புமணி ராமதாஸ் வலியுறுத்தல்

 

வட மாவட்டங்களில் மழை நிவாரணப் பணிகளை விரைவு படுத்த வேண்டும் பா.ம.க. இளைஞரணித் தலைவர் அன்புமணி ராமதாஸ் வலியுறுத்தியுள்ளார்.

இதுகுறித்து, பா.ம.க. இளைஞரணித் தலைவர் அன்புமணி இராமதாஸ் வெளியிட்டுள்ள அறிக்கையில் கூறியிருப்பதாவது:-

வங்கக்கடலில் உருவான காற்றழுத்த தாழ்வுநிலை காரணமாக கடந்த சில நாட்களாக பெய்த மழையால் சென்னை உள்ளிட்ட வடமாவட்டங்களும், காவிரி பாசன மாவட்டங்களும் மிகக்கடுமையாக பாதிக்கப்பட்டிருக்கின்றன. மழை மற்றும் வெள்ளத்தால் பாதிக்கப்பட்ட பகுதிகளில் நிவாரணப்பணிகளை மேற்கொள்வதில் அரசு எந்திரம் காட்டி வரும் அலட்சியத்தால் மக்கள் கடுமையாக கோபமடைந்துள்ளனர்.

வட கிழக்கு பருவமழை தொடங்கிய சில நாட்களிலேயே வங்கக்கடலில் காற்றழுத்தத் தாழ்வுநிலை ஏற்பட்டது. புயலாக மாறும் என்று எதிர்பார்க்கப்பட்ட இது காற்றழுத்த தாழ்வு மண்டலமாக மாறி நேற்று இரவு கடலூர்&புதுச்சேரி அருகே கரையை கடந்தது. இதனால் புயல் ஆபத்திலிருந்து தமிழகம் தப்பிவிட்ட போதிலும் சில நாட்களாக இடைவிடாமல் பெய்த மழையால் தமிழகத்தின் பெரும்பாலான பகுதிகளில் இயல்பு வாழ்க்கை அடியோடு பாதிக்கப்பட்டிருக்கிறது. சென்னையில் பல இடங்களில் மழை நீர் வீடுகளுக்குள் புகுந்ததால் அங்கு குடியிருந்த மக்கள் வெளியேற வேண்டிய நிலை ஏற்பட்டது. சாலைகளில் பல அடி உயரத்திற்கு மழை நீர் ஓடியதாலும், மரங்கள் சாய்ந்ததாலும் போக்குவரத்து கடுமையாக பாதிக்கப்பட்டதுடன், விபத்துக்களும் ஏற்பட்டன. தொடர்மழையால் தொடர்வண்டி சேவையும் பாதிக்கப்பட்டது. மின் இணைப்பு துண்டிக்கப்பட்டதாலும் மக்கள் பெரும் அவதிக்கு ஆளாகினார்கள்.

தொடர் மழையால் கடுமையான பாதிப்பை எதிர்கொண்டவை கடலூர், விழுப்புரம் மாவட்டங்கள் தான். கடலூர் மாவட்டம் நெய்வேலியில் மட்டும் நேற்று காலை 8.30 மணியிலிருந்து மாலை 5.30 மணி வரையிலான 9 மணி நேரங்களில் 450 மில்லிமீட்டர் அளவுக்கு மழை கொட்டித் தீர்த்திருக்கிறது. இதனால் நிலக்கரி சுரங்கங்களில் வெள்ளம் புகுந்து பணிகள் பாதிக்கப்பட்டிருக்கின்றன. கடலூர் மாவட்டம் பண்ருட்டி அருகிலுள்ள பெரியகாட்டுசாகை அருந்ததி நகரில் வெள்ளத்தில் சிக்கி 7 பேர் இறந்துள்ளனர். இறந்தவர்களில் பலரது உடல்கள் ஓடை நீரில் அடித்துச் செல்லப்பட்டிருப்பதாக கூறப்படுவதாலும், பலரை காணவில்லை என்பதாலும் இறந்தவர்களின் எண்ணிக்கை அதிகரிக்கக் கூடும் என்று எதிர்பார்க்கப்படுகிறது. இவர்கள் தவிர கடலூர் மாவட்டத்தின் மற்ற பகுதிகளில் 3 பேர் உயிரிழந்துள்ளனர். தமிழகமெங்கும் இன்று காலை வரை 22 பேர் உயிரிழந்திருப்பதாக கூறப்படுகிறது.

 தொடர்மழையால் கடலூர், விழுப்புரம், நாகப்பட்டினம், திருவாரூர், தஞ்சை உள்ளிட்ட மாவட்டங்களில் பல லட்சம் ஏக்கரில் பயிரிடப்பட்டிருந்த நெற்பயிர் வெள்ளத்தில் மூழ்கி விட்டது. கடலூர், விழுப்புரம் மாவட்டங்களில் மின் இணைப்பு துண்டிக்கப்பட்டிருப்பதால் இயல்பு வாழ்க்கையை வாழ முடியவில்லை. வழக்கமாக மகிழ்ச்சியுடன் கொண்டாடப்பட வேண்டிய தீபஒளித் திருநாள் தொடர் மழையாலும் அதன் பாதிப்புக்களைக் கட்டுப்படுத்தத் தவறிய தமிழக அரசாலும் சோகமான தீபஒளியாக மாறிவிட்டது.

வட கிழக்கு பருவமழை தொடங்குவதற்கு முன்பாகவே சென்னை உட்பட தமிழ்நாடு முழுவதும்  சாலைகளை சீரமைக்க வேண்டும்& மழை வெள்ளப் பாதிப்புகளை கட்டுப்படுத்த முன்னெச்சரிக்கை நடவடிக்கைகளை மேற்கொள்ள வேண்டும் என்று வலியுறுத்தி முதலமைச்சர் ஜெயலலிதா அவர்களுக்கு கடிதம் எழுதியிருந்தேன். ஆனால், மக்கள் நலனில் அக்கறையற்ற முதலமைச்சர் ஜெயலலிதா அவர்கள் கொடநாடுக்கு ஓய்வு எடுக்கச் சென்று விட்டதால் எந்த முன்னெச்சரிக்கை நடவடிக்கைகளும் எடுக்கப் படவில்லை. அதனால் தான் மழை வெள்ள பாதிப்புகள் அதிகரித்திருக்கின்றன. மழை & வெள்ளை நிவாரணப் பணிகள் முழு வீச்சில் நடைபெற்று வருவதாக அரசுத் தரப்பில் கூறப்பட்டாலும் எங்கும் எந்த பணிகளும் மேற்கொள்ளப்படவில்லை என்பது தான் உண்மை. பல இடங்களில் அமைச்சர்களும், அதிகாரிகளும் பணிகளை மேற்கொள்வது போல படம் எடுத்து பத்திரிகைகளுக்கு அனுப்பி விட்டு சென்று விடுகின்றனர் என்பது தான் கள நிலைமை. இதேநிலை நீடித்தால் பாதிக்கப்பட்ட பகுதிகளில் இயல்பு நிலை திரும்புவதற்கே இன்னும் சில நாட்கள் ஆகும் என்பதை ஆட்சியாளர்கள் உணரவேண்டும்.

எனவே, மழை&வெள்ளம் பாதித்த பகுதிகளுக்கு அமைச்சர்களை அனுப்பி நிவாரணப் பணிகளை விரைவு படுத்துவதுடன், முதலமைச்சர் ஜெயலலிதா நேரில் சென்று பாதிக்கப்பட்ட பகுதிகளை பார்வையிட்டு மக்களுக்கு ஆறுதல் கூற வேண்டும். அதேபோல் மழை வெள்ள பாதிப்புகளுக்கும், உயிரிழப்புகளுக்கும் தமிழக அரசு அறிவித்துள்ள நிதி உதவி போதுமானதல்ல என்பதால் அவற்றை உயர்த்தித் தர வேண்டும். உயிரிழந்தோர் குடும்பங்களுக்கு தலா ரூ.10 லட்சம் நிதி வழங்க வேண்டும். இவ்வாறு அவர் கூறியுள்ளார்.

ஒட்டுமொத்த வளர்ச்சியில் கடைசி இடம்; இதுவே ஜெயலலிதா அரசின் சாதனை: ராமதாஸ்

 

‘நூறாண்டு பேசும் ஓராண்டு சாதனை’ முதல் ‘ நான்காண்டு ஆட்சி... நாலாபுற வளர்ச்சி’’ என ஒவ்வொரு ஆண்டும் செய்யாத சாதனைகளுக்காக அ.தி.மு.க. அரசு விளம்பரம் செய்து வருகிறது. ஆனால், ஒய்யாரக் கொண்டையாம் தாழம்பூவாம்... உள்ளே இருக்குமாம் ஈரும் பேனும் என்பதைப் போல அ.தி.மு.க. அரசின் செயல்களை ஆய்வு செய்தால் ஏமாற்றமும், விரக்தியும் மட்டுமே விஞ்சுகிறது.

2015 ஆம் ஆண்டில் மாநில அரசுகளின் செயல்பாடுகள் என்ற குறித்து ஆய்வு செய்து அதன் முடிவுகளை State of States என்ற தலைப்பில் இந்தியா டுடே ஆங்கில இதழ் வெளியிட்டிருக்கிறது. மொத்தம் 10 துறை செயல்பாடுகளின் அடிப்படையில் தயாரிக்கப்பட்டுள்ள தர வரிசைப் பட்டியலில், மொத்தமுள்ள 21 பெரிய மாநிலங்களில் தமிழ்நாடு 20 ஆவது இடத்துக்கு தள்ளப்பட்டிருக்கிறது. உத்தர்காண்ட் மாநிலத்தைத் தவிர மற்ற அனைத்து மாநிலங்களும் தமிழகத்தைக் காட்டிலும் சிறப்பாக  முன்னேற்றம் அடைந்துள்ளன. இப்பட்டியலில் குஜராத் முதல் இடத்தைப் பிடித்துள்ள நிலையில், நமது அண்டை மாநிலங்களான கேரளமும், கர்நாடகமும் முறையே 2, 3&ஆவது இடத்தைப் பிடித்துள்ளன. பயங்கரவாதத்தால் பாதிக்கப்பட்டுள்ள ஜம்மு&காஷ்மீர் நான்காவது இடத்தைப் பிடித்திருகிறது. வளராத மாநிலங்கள் என்று கூறப்படும் பீகார், ராஜஸ்தான், மத்தியப் பிரதேசம், உத்தரப் பிரதேசம், ஆகிய மாநிலங்களை விட வளர்ச்சியில் பின்தங்கியிருப்பது தமிழகத்திற்கு ஏற்பட்டுள்ள பெரும் அவமானமாகும்.

துறைவாரியான வளர்ச்சியில் பார்த்தால் விவசாயம், உள்ளடக்கிய மேம்பாடு ஆகியவற்றில் தமிழகம்  கடைசி (21 ஆவது) இடத்தைப் பிடித்திருக்கிறது. வேளாண்துறையில் மத்தியப் பிரதேசம் முதலிடத்தை பிடித்திருக்கிறது. அம்மாநிலத்தில் விவசாயிகளுக்கு மைனஸ் 10 (-10) விழுக்காடு வட்டியில் கடன் வழங்கப்படுகிறது. கடந்த 5 ஆண்டுகளில் மட்டும் பாசன வசதி பெறும் நிலங்களின் பரப்பு 45% அதிகரித்திருக்கிறது. அதனால் அந்த மாநிலம் வேளாண்மையில் முதலிடம் பிடித்துள்ளது. ஆனால், வட்டியில்லாக் கடன் வழங்குவதாகக் கூறிக்கொள்ளும் தமிழக அரசு அதை செயலில் காட்டாமல், உழவர்கள் கடனை திரும்ப செலுத்தவில்லை என்று கூறி அவர்களின் சொத்துக்களை ஜப்தி செய்யும் செயலில் ஈடுபட்டிருக்கிறது. தமிழகத்தில் கடந்த புதிதாக பாசன வசதி ஏற்படுத்தித் தரப்பட்ட நிலங்களின் பரப்பளவை விட, வீட்டு மனைகளாக்கப்பட்டு விவசாயம் விரட்டியடிக்கப்பட்ட நிலங்களின் பரப்பளவு பல மடங்கு அதிகம் ஆகும். அதன்விளைவு... தமிழகத்திற்கு கடைசி இடம்.  உள்ளடக்கிய மேம்பாட்டில், புதிதாக உருவாக்கப்பட்ட தெலுங்கானா மாநிலம் முதலிடம் பிடித்துள்ளது. அங்குள்ள மக்களுக்கு வீடு, குடிநீர், சமையல் எரிவாயு இணைப்பு உள்ளிட்ட அனைத்து அடிப்படை வசதிகளும் செய்து தரப் பட்டிருப்பதுடன், வங்கி, அஞ்சலக வசதிகளும் ஏற்படுத்தித் தரப்பட்டிருக்கிறது. ஆனால், தமிழ்நாட்டில் பெரும்பாலான ஊரகப் பகுதிகளில் அடிப்படை வசதிகள் கூட செய்து தரப்படாதது வெட்ககேடானது.

உட்கட்டமைப்பு வசதிகளில் 17 ஆவது இடத்திற்கு தமிழகம் தள்ளப்பட்டுள்ளது. வளர்ச்சிக்கு மிக முக்கியத் தேவையான கல்வித் துறையில் தமிழகம் 13 ஆவது இடத்தில் தத்தளிக்கிறது. கல்வியைக் கடைசரக்காக்கி, அரசு பள்ளிகளை திட்டமிட்டு அழித்தது தான் இந்த அவல நிலைக்கு காரணமாகும். தூய்மையில் பத்தாவது இடம், முதலீடு மற்றும் நிர்வாகத்தில் 9 ஆவது இடம், சுற்றுச்சூழலில் எட்டாவது இடம், சுகாதாரத்தில் ஐந்தாவது இடம் என தமிழகத்தின் பின்னடைவு நீடித்துக் கொண்டே செல்கிறது.

2012 & 13 ஆம் ஆண்டில் 3.39% பொருளாதார வளர்ச்சியுடன் தமிழ்நாடு கடைசி இடத்தை பிடித்தது. அதே ஆண்டில் வேளாண்துறையில் மைனஸ் 12.1 (-12.1) விழுக்காடும், தொழில்துறையில் மைனஸ் 1.30(-1.30) விழுக்காடும் வளர்ச்சி பெற்று மிகப் பெரிய அவமானத்தை தமிழ்நாடு சந்தித்தது. மேலும் அரசின் நேரடிக் கடன் ரூ.2.11 லட்சம் கோடி, பொதுத்துறை நிறுவனங்களின் கடன் ரூ.2.01 லட்சம் கோடி என மொத்தம் ரூ.4.12 லட்சம் கோடி கடனை வாங்கிக் குவித்து தமிழக மக்கள் ஒவ்வொருவர் மீதும் தலா ரூ.57,142 கடன் சுமையை சுமத்தியது தான் ஜெயலலிதா ஆட்சியின் சாதனை ஆகும்.

ஊடகங்களை மிரட்டியும், விளம்பரங்கள் தர மாட்டோம் என்று அச்சுறுத்தியும் அரசுக்கு எதிரான செய்திகள் வெளிவரவிடாமல் தடுப்பதிலும், மக்கள் வரிப்பணத்தில் பல நூறு கோடி ரூபாயை வாரி இறைத்து தமிழகம் செழிப்பதாக விளம்பரங்களை வெளியிட்டு ஏமாற்றுவதிலும் வேண்டுமானால் ஜெயலலிதா அரசு வெற்றி பெற்றிருக்கலாம். ஆனால், கடந்த 50 ஆண்டுகளிலும், குறிப்பாக அ.தி.மு.க. ஆட்சிக்கு வந்த நான்கரை ஆண்டுகளிலும் தங்களின் வாழ்க்கைத் தரம் எப்படி சீரழிந்திருக்கிறது என்பதை தமிழ்நாட்டு மக்கள் நன்றாகவே உணர்ந்திருக்கிறார்கள். தங்களை இந்த நிலைக்கு ஆளாக்கியவர்களை வலிமையான வாக்குகள் மூலம் பழி தீர்க்க காத்திருக்கிறார்கள். அடுத்த ஆண்டு சட்டப்பேரவைத் தேர்தல் முடிவுகள் வெளிவரும் போது மக்களின் கோபத்தை கடந்த 50 ஆண்டுகளாக தமிழகத்தை மாறி மாறி ஆட்சி செய்து சீரழித்த இரு கட்சிகளும் உணருவார்கள் என்பது உறுதி! இவ்வாறு அவர் கூறியுள்ளார். 

வெள்ள சேதங்களை பார்வையிட்டு விவசாயிகளுக்கு ஆறுதல் கூறிய அன்புமணி

 

கடலூர் அருகே உள்ள கிழக்கு ராமபுரம் பகுதி வாழை விவசாயிகளுக்கு ஆறுதல் தர்மபுரி நாடாளுமன்ற உறுப்பினர் அன்புமணிராமதாசு கூறினார். ஆலப்பாக்கம் அருகே உள்ள குள்ளஞ்சாவடி சாலையில் இருந்து வெள்ள சேதங்களை பார்வையிட்டார். 

வட மாவட்டங்களில் மழை நிவாரணப் பணிகளை விரைவு படுத்த வேண்டும் அன்புமணி ராமதாஸ் வலியுறுத்தல்

 

வட மாவட்டங்களில் மழை நிவாரணப் பணிகளை விரைவு படுத்த வேண்டும் பா.ம.க. இளைஞரணித் தலைவர் அன்புமணி ராமதாஸ் வலியுறுத்தியுள்ளார்.

இதுகுறித்து, பா.ம.க. இளைஞரணித் தலைவர் அன்புமணி இராமதாஸ் வெளியிட்டுள்ள அறிக்கையில் கூறியிருப்பதாவது:-

வங்கக்கடலில் உருவான காற்றழுத்த தாழ்வுநிலை காரணமாக கடந்த சில நாட்களாக பெய்த மழையால் சென்னை உள்ளிட்ட வடமாவட்டங்களும், காவிரி பாசன மாவட்டங்களும் மிகக்கடுமையாக பாதிக்கப்பட்டிருக்கின்றன. மழை மற்றும் வெள்ளத்தால் பாதிக்கப்பட்ட பகுதிகளில் நிவாரணப்பணிகளை மேற்கொள்வதில் அரசு எந்திரம் காட்டி வரும் அலட்சியத்தால் மக்கள் கடுமையாக கோபமடைந்துள்ளனர்.

வட கிழக்கு பருவமழை தொடங்கிய சில நாட்களிலேயே வங்கக்கடலில் காற்றழுத்தத் தாழ்வுநிலை ஏற்பட்டது. புயலாக மாறும் என்று எதிர்பார்க்கப்பட்ட இது காற்றழுத்த தாழ்வு மண்டலமாக மாறி நேற்று இரவு கடலூர்&புதுச்சேரி அருகே கரையை கடந்தது. இதனால் புயல் ஆபத்திலிருந்து தமிழகம் தப்பிவிட்ட போதிலும் சில நாட்களாக இடைவிடாமல் பெய்த மழையால் தமிழகத்தின் பெரும்பாலான பகுதிகளில் இயல்பு வாழ்க்கை அடியோடு பாதிக்கப்பட்டிருக்கிறது. சென்னையில் பல இடங்களில் மழை நீர் வீடுகளுக்குள் புகுந்ததால் அங்கு குடியிருந்த மக்கள் வெளியேற வேண்டிய நிலை ஏற்பட்டது. சாலைகளில் பல அடி உயரத்திற்கு மழை நீர் ஓடியதாலும், மரங்கள் சாய்ந்ததாலும் போக்குவரத்து கடுமையாக பாதிக்கப்பட்டதுடன், விபத்துக்களும் ஏற்பட்டன. தொடர்மழையால் தொடர்வண்டி சேவையும் பாதிக்கப்பட்டது. மின் இணைப்பு துண்டிக்கப்பட்டதாலும் மக்கள் பெரும் அவதிக்கு ஆளாகினார்கள்.

தொடர் மழையால் கடுமையான பாதிப்பை எதிர்கொண்டவை கடலூர், விழுப்புரம் மாவட்டங்கள் தான். கடலூர் மாவட்டம் நெய்வேலியில் மட்டும் நேற்று காலை 8.30 மணியிலிருந்து மாலை 5.30 மணி வரையிலான 9 மணி நேரங்களில் 450 மில்லிமீட்டர் அளவுக்கு மழை கொட்டித் தீர்த்திருக்கிறது. இதனால் நிலக்கரி சுரங்கங்களில் வெள்ளம் புகுந்து பணிகள் பாதிக்கப்பட்டிருக்கின்றன. கடலூர் மாவட்டம் பண்ருட்டி அருகிலுள்ள பெரியகாட்டுசாகை அருந்ததி நகரில் வெள்ளத்தில் சிக்கி 7 பேர் இறந்துள்ளனர். இறந்தவர்களில் பலரது உடல்கள் ஓடை நீரில் அடித்துச் செல்லப்பட்டிருப்பதாக கூறப்படுவதாலும், பலரை காணவில்லை என்பதாலும் இறந்தவர்களின் எண்ணிக்கை அதிகரிக்கக் கூடும் என்று எதிர்பார்க்கப்படுகிறது. இவர்கள் தவிர கடலூர் மாவட்டத்தின் மற்ற பகுதிகளில் 3 பேர் உயிரிழந்துள்ளனர். தமிழகமெங்கும் இன்று காலை வரை 22 பேர் உயிரிழந்திருப்பதாக கூறப்படுகிறது.

 தொடர்மழையால் கடலூர், விழுப்புரம், நாகப்பட்டினம், திருவாரூர், தஞ்சை உள்ளிட்ட மாவட்டங்களில் பல லட்சம் ஏக்கரில் பயிரிடப்பட்டிருந்த நெற்பயிர் வெள்ளத்தில் மூழ்கி விட்டது. கடலூர், விழுப்புரம் மாவட்டங்களில் மின் இணைப்பு துண்டிக்கப்பட்டிருப்பதால் இயல்பு வாழ்க்கையை வாழ முடியவில்லை. வழக்கமாக மகிழ்ச்சியுடன் கொண்டாடப்பட வேண்டிய தீபஒளித் திருநாள் தொடர் மழையாலும் அதன் பாதிப்புக்களைக் கட்டுப்படுத்தத் தவறிய தமிழக அரசாலும் சோகமான தீபஒளியாக மாறிவிட்டது.

வட கிழக்கு பருவமழை தொடங்குவதற்கு முன்பாகவே சென்னை உட்பட தமிழ்நாடு முழுவதும்  சாலைகளை சீரமைக்க வேண்டும்& மழை வெள்ளப் பாதிப்புகளை கட்டுப்படுத்த முன்னெச்சரிக்கை நடவடிக்கைகளை மேற்கொள்ள வேண்டும் என்று வலியுறுத்தி முதலமைச்சர் ஜெயலலிதா அவர்களுக்கு கடிதம் எழுதியிருந்தேன். ஆனால், மக்கள் நலனில் அக்கறையற்ற முதலமைச்சர் ஜெயலலிதா அவர்கள் கொடநாடுக்கு ஓய்வு எடுக்கச் சென்று விட்டதால் எந்த முன்னெச்சரிக்கை நடவடிக்கைகளும் எடுக்கப் படவில்லை. அதனால் தான் மழை வெள்ள பாதிப்புகள் அதிகரித்திருக்கின்றன. மழை & வெள்ளை நிவாரணப் பணிகள் முழு வீச்சில் நடைபெற்று வருவதாக அரசுத் தரப்பில் கூறப்பட்டாலும் எங்கும் எந்த பணிகளும் மேற்கொள்ளப்படவில்லை என்பது தான் உண்மை. பல இடங்களில் அமைச்சர்களும், அதிகாரிகளும் பணிகளை மேற்கொள்வது போல படம் எடுத்து பத்திரிகைகளுக்கு அனுப்பி விட்டு சென்று விடுகின்றனர் என்பது தான் கள நிலைமை. இதேநிலை நீடித்தால் பாதிக்கப்பட்ட பகுதிகளில் இயல்பு நிலை திரும்புவதற்கே இன்னும் சில நாட்கள் ஆகும் என்பதை ஆட்சியாளர்கள் உணரவேண்டும்.

எனவே, மழை&வெள்ளம் பாதித்த பகுதிகளுக்கு அமைச்சர்களை அனுப்பி நிவாரணப் பணிகளை விரைவு படுத்துவதுடன், முதலமைச்சர் ஜெயலலிதா நேரில் சென்று பாதிக்கப்பட்ட பகுதிகளை பார்வையிட்டு மக்களுக்கு ஆறுதல் கூற வேண்டும். அதேபோல் மழை வெள்ள பாதிப்புகளுக்கும், உயிரிழப்புகளுக்கும் தமிழக அரசு அறிவித்துள்ள நிதி உதவி போதுமானதல்ல என்பதால் அவற்றை உயர்த்தித் தர வேண்டும். உயிரிழந்தோர் குடும்பங்களுக்கு தலா ரூ.10 லட்சம் நிதி வழங்க வேண்டும். இவ்வாறு அவர் கூறியுள்ளார்.

126 மீனவர்கள் விடுதலை மகிழ்ச்சி: 46 படகுகளையும் மீட்க வேண்டும்!: ராமதாஸ்

 

பா.ம.க. நிறுவனர் மருத்துவர் இராமதாசு அறிக்கை:

’’இலங்கைச் சிறைகளில் கடந்த இரு மாதங்களாக அடைத்து வைக்கப்பட்டிருந்த தமிழக மீனவர் கள் 126 பேர் இன்று விடுதலை செய்யப்படுகிறார்கள். தீபஒளிக்கு முன் அவர்கள் விடுதலை செய்யப்படுவது மகிழ்ச்சியளிக்கிறது. எனினும் அவர்களின் படகுகள் விடுவிக்கப்படாதது இந்த மகிழ்ச்சியை தடுக்கிறது.

தமிழ்நாட்டைச் சேர்ந்த மீனவர்கள் வங்கக்கடலில் கச்சத்தீவு மற்றும் அதையொட்டிய பகுதிகளில் மீன் பிடிக்க பாரம்பரிய உரிமை இருக்கும் போதிலும், அவர்கள் அப்பகுதியில் மீன் பிடிக்க முடியாத நிலை ஏற்பட்டிருக்கிறது. 

வங்கக்கடலில் இந்திய எல்லைக்குட்பட்ட பகுதியில் மீன் பிடித்தாலும் தமிழக மீனவர்களை சிங்களக் கடற்படையினர் கைது செய்து சிறையில் அடைப்பது தொடர்கதையாகி வருகிறது. அந்த வகையில் தான் கடந்த செப்டம்பர் மாதம் முதல் நவம்பர் மாதத் தொடக்கம் வரை 126 தமிழக மீனவர்களை சிங்களக் கடற்படையினர் கைது செய்து சிறைகளில் அடைத்துள்ளனர். இலங்கை சிறைகளில் வாடும் தமிழக மீனவர்கள் 86 பேர் கடந்த மாதம் 28 ஆம் தேதி விடுதலை செய்யப்படுவார்கள் என்று மத்திய, மாநில அரசுகள் அறிவித்திருந்தன. ஆனால், அவர்கள் விடுதலை செய்யப்படாத நிலையில் மேலும் 40 மீனவர்களை சிங்களப்படை இரு கட்டங்களில் கைது செய்தது.

இலங்கை அரசின் இந்த அட்டூழியத்தை பா.ம.க. சார்பில் நான் கடுமையாக கண்டித்திருந்தேன். அனைத்து மீனவர்களையும் உடனடியாக விடுதலை செய்ய நடவடிக்கை எடுக்க வேண்டும் என்றும் வலியுறுத்தியிருந்தேன். அதன் தொடர்ச்சியாக மேற்கொள்ளப்பட்ட நடவடிக்கைகளின் பயனாக 126 மீனவர்களும் இன்று விடுதலை செய்யப்பட்டிருப்பது மிகுந்த மகிழ்ச்சியளிக்கிறது. மீனவர்களின் விடுதலைச் செய்தி அவர்களின் குடும்பத்தினரையும் மகிழ்ச்சியடையச் செய்யும் என்பதில் ஐயமில்லை.

ஆனால், வங்கக்கடலில் காற்றழுத்த தாழ்வு நிலை மையம் கொண்டிருப்பதால் விடுதலை செய்யப்பட்ட மீனவர்களை உடனடியாக சொந்த ஊருக்கு அழைத்து வருவது சாத்தியமில்லை என்று கூறப்படுகிறது. மீனவர்கள் அவர்களின் குடும்பத்தினருடன் தீபஒளி திருநாளை கொண்டாடாவிட்டால் அவர்கள் இன்று விடுதலை செய்யப்படுவதற்கே பொருள் இல்லாமல் போய்விடும். ஒருவேளை அவர்களை கடற்படை படகுகளில் அழைத்து வருவதற்கு மோசமான தட்பவெப்பநிலை ஒரு தடையாக இருக்குமானால், அவர்களை வான்வழியாக திருச்சி அழைத்து வந்து, தீபஒளி திருநாளைக் கொண்டாட வசதியாக சொந்த ஊருக்கு அனுப்பி வைக்க மத்திய, மாநில அரசுகள் நடவடிக்கை எடுக்க வேண்டும்.

தமிழக மீனவர்களை விடுதலை செய்ய முன்வந்துள்ள போதிலும், அவர்களின் படகுகளை விடுவிக்க முடியாது என்றும், இனிவரும் காலங்களில் மீனவர்கள் கைது செய்யப்பட்டாலும் அவர்களின்  படகுகள் பறிமுதல் செய்யப்படும் என்றும் இலங்கை மீன்வளத்துறை அமைச்சர் மகிந்தா அமரவீரா கூறியிருக்கிறார். 

இப்போதைய நிலையில் தமிழக மீனவர்களுக்கு சொந்தமான 46 படகுகளை இலங்கை அரசு பறிமுதல் செய்து வைத்திருக்கிறது. படகுகளை பறிமுதல் செய்வது மீனவர்களின் வாழ்வாதாரத்தை கடுமையாக பாதிக்கும். 46 படகுகள் 368 மீனவர்களுக்கு நேரடியாகவும், நூற்றுக்கணக்கானோருக்கு  மறைமுகமாகவும் வேலைவாய்ப்பு வழங்கும். எனவே, மீனவர்களின் வாழ்வாதாரத்தை பாதுகாப்பதற்காக அவர்களின் விசைப்படகுகளை மீட்க மத்திய, மாநில அரசுகள் உடனடி நடவடிக்கை எடுக்க வேண்டும்.’’

சிறப்பு பேருந்துகளால் அரசிற்கு இழப்பு மட்டுமே; பயணிகளுக்கு பயனில்லை- ராமதாஸ் குற்றச்சாட்டு

சென்னை: தீபாவளி சிறப்பு பேருந்து என்ற பெயரில் போக்குவரத்து கழகங்கள் சீரழிக்கப்படுகின்றன என பா.ம.க நிறுவனர் ராமதாஸ் குற்றம்சாட்டியுள்ளார்.இது குறித்து அவர் வெளியிட்டுள்ள அறிக்கை:தீபஒளி திருநாளையொட்டி சென்னை உள்ளிட்ட பல்வேறு நகரங்களில் வாழ்பவர்கள் தங்களின் சொந்த ஊர் செல்வதற்கு வசதியாக மொத்தம் 11,959 சிறப்பு பேருந்துகளும், சொந்த ஊர் சென்றவர்கள் தீபஒளி திருநாள் முடிந்து திரும்புவதற்கு வசதியாக அதே எண்ணிக்கையிலான சிறப்பு பேருந்துகளும் இயக்கப்படும் என்று தமிழக அரசு அறிவித்திருக்கிறது.தமிழக அரசின் இந்நடவடிக்கையால் ஏற்படும் சாதகங்களை விட பாதகங்களே அதிகம் என்பதை கடந்த ஆண்டு அனுபவங்கள் உணர்த்துகின்றன.தீபஒளி திருநாளுக்காக சிறப்புப் பேருந்துகளை இயக்குவது என்பது தவிர்க்க முடியாதது ஆகும். அதிலும் குறிப்பாக பணி நிமித்தமாக குடும்பத்தை விட்டு பிரிந்திருப்பவர்கள் தீபஒளிக்கு சொந்த ஊர் செல்வதற்காக சிறப்புப் பேரூந்துகள் இயக்கப்பட வேண்டியது அவசியத்திலும் அவசியம் ஆகும்.கணக்கு காட்டும் முயற்சி:ஆனால், பயணிகளின் தேவையை பொருட்படுத்தாமல், அதிக பேருந்துகளை இயக்கியதாகக் கணக்கு காட்டுவதற்காக மேற்கொள்ளப்படும் செயல்களால் அரசு போக்குவரத்துக்கழகங்களுக்கு பெருமளவில் வருவாய் இழப்பு மட்டுமே ஏற்படுகிறது. உதாரணமாக சென்னையிலிருந்து நேற்று மட்டும் 1106 சிறப்பு பேருந்துகள் இயக்கப்பட்டன.காலியாகவே இயக்கம்:இதற்காக இப்பேருந்துகள் அனைத்தும் தெற்கே கும்பகோணம், தஞ்சாவூர் முதல் கன்னியாகுமரி வரையிலிருந்தும், மேற்கே சேலம் முதல் கோவை வரையிலிருந்தும் வரவழைக்கப் பட்டன. சென்னையிலிருந்து வெளியூர் செல்வோரின் தேவைக்காக மட்டுமே இவை இயக்கப்படுவதால், வெளியூரிலிருந்து சென்னை வரும் பேருந்துகள் அனைத்தும் 90% காலியாகவே இயக்கப்படுகின்றன.பெருமளவில் இழப்பு:திருவிழாக்களின் போது இரு மார்க்கங்களிலும் பயணிகள் நெரிசல் அதிகமுள்ள சூழல்களிலும் சிறப்புப் பேருந்துகளை இயக்கும் போது போக்குவரத்துக் கழகங்களுக்கு நல்ல வருவாய் கிடைக்கும்; தேவையற்ற இழப்புகள் தவிர்க்கப்படும். ஆனால், தீபஒளிக்கு ஒரு வழியில் தான் மக்கள் பயணம் செய்வார்கள் என்பதால் பெருமளவில் இழப்பு ஏற்படும்.பயணிகளின் தேவை:அதைக் கருத்தில் கொண்டு திட்டம் வகுத்தால் மட்டுமே இழப்பை தடுக்க முடியாவிட்டாலும், குறைக்கவாவது முடியும். ஒவ்வொரு போக்குவரத்துக் கழகத்திலும் உள்ள மாற்றுப் பேருந்துகளை மட்டும் சிறப்புப் பேருந்துகளாக இயக்கியிருந்தால் பயணிகள் தேவையை பூர்த்தி செய்வதுடன், கணிசமான லாபத்தையும் ஈட்டியிருக்க முடியும்.கடன் வாங்கி சுங்கக் கட்டணம்:கடந்த ஆண்டு தீபஒளி திருநாளுக்காக 9,000 சிறப்புப் பேருந்துகள் இயக்கப்பட்டன. இவற்றில் சென்னை நோக்கி வந்த பல பேருந்துகளில் பயணிகளே இல்லாததால், சுங்கச்சாவடிகளில் கட்டணம் செலுத்தக்கூட பணமின்றி பேருந்து ஊழியர்கள் தவித்ததும், எதிர்திசையில் வந்த அரசுப் பேருந்து நடத்துனர்களிடம் கடன் வாங்கி சமாளித்ததும் வரலாறு. அதிலிருந்து பாடம் கற்காத அரசு, இம்முறை சுமார் 12,000 பேருந்துகளை இயக்கி, போக்குவரத்துக் கழகங்களுக்கு மிகப்பெரிய இழப்பை ஏற்படுத்தப் போகிறது.கொள்ளை லாபம்:அதுமட்டுமின்றி, தமிழகத்தின் மற்ற பகுதிகளில் இயக்கப்பட்டுக் கொண்டிருந்த அரசுப் பேருந்துகள் சிறப்புப் பேருந்துகளாக சென்னைக்கு திருப்பிவிடப்படுவதால் அங்குள்ள மக்கள் பேருந்து வசதியின்றி அவதிப்படுகின்றனர். இதைப் பயன்படுத்தி தனியார் பேருந்துகள் கொள்ளை லாபம் ஈட்டுகின்றன. அரசுப் பேரூந்துகள் வழக்கமாக ஓடும் பாதையில் இயக்கப்பட்டிருந்தால் பல கோடி லாபம் கிடைத்து இருக்கும்.மக்கள் பாடம் புகட்டுவார்கள்:ஆனால், அதை செய்யாததால் மக்களுக்கு அவதியும், போக்குவரத்துக் கழகங்களுக்கு இழப்பும் தான் பரிசாக கிடைத்திருக்கின்றன. அனைத்து போக்குவரத்துக் கழகங்களும் இழப்பில் இயங்கி வரும் நிலையில் தீபஒளி சிறப்பு பேருந்து இயக்கத்தால் அவை முடங்கும் நிலை ஏற்படும். இதை உணராமல் தொலைநோக்குப் பார்வையின்றி செயல்படும் அரசுக்கு மக்கள் பாடம் புகட்டுவார்கள் என்று தெரிவித்துள்ளார்.

திமுக, அதிமுகவிற்கு மாற்று நாங்கள்தான் - அன்புமணி ராமதாஸ்

சென்னை: திமுக, அதிமுகவிற்கு மாற்று அணியாகவே நாங்கள் தொடருவோம் என பா.ம.க இளைஞரணித் தலைவர் அன்புமணி ராமதாஸ் தெரிவித்துள்ளார்.இது குறித்து சென்னையில் இன்று செய்தியாளர்களுக்கு அவர் அளித்த பேட்டியில், "யாரையும் நம்பி நாங்கள் இல்லை, எங்களுடைய பலத்தை நம்பியே தேர்தலை எதிர்கொள்கிறோம்.

நாங்கள் 2016 இல் ஆட்சி அமைத்தால் போடும் முதல் கையெழுத்து பூரண மதுவிலக்கிற்கான கையெழுத்துதான். தி.மு.க மதுவை அறிமுகப்படுத்தி 3 தலைமுறைகளை அழித்து விட்டது.அதன்பிறகு வந்த அ.தி.மு.க.வும் வீதிதோறும் மதுக்கடைகளை திறந்து மதுவை திணித்து வருகிறது. இரு கட்சிகளும் தமிழகத்தை வீணடித்து விட்டனர்.திமுக மீதான நம்பிக்கையை மக்கள் முழுவதும் இழந்துவிட்டார்கள். திமுக, அதிமுகவிற்கு மாற்று அணியாகவே நாங்கள் தொடருவோம்" என அவர் தெரிவித்துள்ளார்